Kuvendi voton sot guvernatorin e ri të BSH, Genti Sejko

Kuvendi pritet të votojë sot emrin e Genti Sejkos si Guvernatori i ri i Bankës së Shqipërisë. Pas një hezitimi paraprak, konsensusi i dhënë nga mazhoranca dhe opozita, pas seancës dëgjimore në Komisionin e Ekonomisë dhe Financave, pritet të konfirmohet me votën e deputetëve në seancë plenare. Sejko do të zëvendësojë në këtë detyrë Ardian Fullanin, i arrestuar më 5 shtator pas një hetimi për vjedhje në Bankën e Shqipërisë.
Ligjvënësit do të votojnë dhe kalendarin 3-javor të punimeve të kuvendit, 6 shkurt – 26 shkurt 2015. Do të jetë fillimisht Konferenca e Kryetarëve që do të japë miratimin për këtë kalendar, ku pritet të përfshihet dhe kërkesa e demokratëve për të bashkëkryesuar komisionin e Reformës në Drejtësi.